कम्पनीको प्रवन्धपत्रमा संशोधन गर्ने विशेष प्रस्ताव सम्वन्धमा ।

कम्पनीको बाह्रौ र तेह्रौ वार्षिक साधारण सभा हुने सम्बन्धी सूचना

मिति २०७८।०३।२९ वाट प्रशारण ग्रिडमा सिन्क्रोनाइज गरी ३।४ दिनको पुर्ण क्षमताको परीक्षण पश्चात माथिल्लो तामाकोशी जलविद्युत आयोजनाको दोश्रो युनिटवाट २०७८।०४।०३ गते आइतवार साँझ १८:४५ बजे देखि ७६ मेगावाट परीक्षण उत्पादन भइरहेको ब्यहोरा अनुरोधछ । बाँकि परीक्षणमा रहेका युनिटहरुवाट पनि छिट्टै नै उत्पादन शुरु गरीनेछ ।

Pleased to inform that the tunnel water filling of Upper Tamakoshi Hydroelectric Project has been completed successfully last night after observation for 48 hours at its final level(i.e.1987 masl). This is indeed a BIG MILESTONE for the entire project. Today, we are conducting an electrical SOAK test for the first unit and wait for 24 hours of observation prior to synchronization. Similarly, 220 kV transmission line is ready up to Dhalkebar Substation and final 220 kV line-in line-out arrangements at New Khimti Substation is likely to be completed within this week. This will pave the way for synchronization of the first unit (76 MW) to integrated national power system (INPS) and will follow by further load tests. We are thankful to the Contractors Sino Hydro, Andritz Hydro, KEC International, and Consultant JV Norconsult- Lahmeyer for this achievement. We are also thankful to all board members (present and past), financers, all concerned government officials, and all concerned stakeholders for supporting us to accomplish this national pride project.

अत्यन्त जरुरी सुचना 

मिति २०७४ साल म‌सिर ३ गते ८ दशमलव ५ कि मि लामाे मुख्य सुरुङ्गकाे भै‌से देखि गाे‌गरडाँडासम्म करिब ५ कि मि सुरुङ्ग खण्डकाे ब्रेक थ्रु सम्पन्न भएकाे छ । उक्त क्षणका केही झलकहरुः

प्रेस विज्ञप्ति

————-
यस कम्पनीको शेयर निष्काशनका विषयमा मिति २०७१/११/२९ देखि आयोजनाको सम्पूर्ण निर्माण कार्यलगायत मुख्य प्रवेशमार्ग समेत पूर्ण रुपमा अबरुद्ध भइरहेको प्रति यस कम्पनी गम्भीर रुपमा चिन्तित बनेको छ । आयोजनाको प्रवेशमार्ग र निर्माणकार्य अवरुद्ध भइरहेबाट आयोजनाको समय तालिका लम्बिने र लागतसमेत बढ्न जाने अवस्था सिर्जना भएको छ । मुलुकमा विद्यमान ऊर्जा संकटलाई न्यूनीकरण गर्न महत्वपूर्ण भूमिका निभाउने यस राष्ट्रिय गौरबको आयोजनाको निर्माणकार्य अवरुद्ध हुनु सबैको लागि दुःखद विषय हो ।

दोलखा जिल्लाबासीको लागि छुट्ट्याइएको १०% शेयर निष्काशन गर्न सूचना प्रकाशित भएको सन्दर्भमा उठान भएका विभिन्न विषयवस्तुहरु उपर सम्बद्ध सरोकारवालाहरुसँग छलफल हुँदा प्राप्त सुझावसमेतलाई मध्यनजर गरी ती विषयवस्तुहरुलाई सम्बोधन गर्न प्रकृयागत रुपमा अघि बढ्न थप समय लाग्ने देखिन्छ । यस सम्बन्धमा अपर तामाकोशी हाइड्रोपावर लिमिटेडको सञ्चालक समितिको मिति २०७१/१२/०७ गते बसेको बैठकबाट स्थानीय बासिन्दाहरुको मागलाई सम्बोधन हुने गरी जिल्ला स्तरीय समन्वय समितिको मिति २०७१/११/११ को निर्णय विधिसम्मत ढंगले कार्यान्वयन गर्न नेपाल धितोपत्र बोर्डको स्वीकृति आवश्यक भएको र बोर्डबाट प्राप्त हुने निर्देशन/सहमति/स्वीकृति बमोजिम थप प्रकृया अघि बढाउनु पर्ने भएकोले दोलखा जिल्लाबासीलाई छुट्ट्याइएको १०% शेयर सुनिश्चित गरी छुट्टै विवरणपत्र प्रकाशित गर्ने गरी हाललाई सो समूहको शेयर निष्काशन कार्य स्थगन गर्ने निर्णय भएबमोजिम सोही मितिमा नेपाल धितोपत्र बोर्डमा अनुरोध गरिएको व्यहोरा सम्बद्ध सबैमा जानकारी गराउन चाहन्छौं ।

साथै आयोजनास्थलमा आयोजनाका मुख्य सिभिल निर्माणकार्यका ठेकेदारका श्रमिकहरुले कम्पनीको शेयर माग गरी आयोजनाको निर्माणकार्य पूर्णरुपमा बन्द गरिएको सन्दर्भमा यस कम्पनीको गम्भीर रुपमा ध्यानाकर्षण भई कम्पनीको सञ्चालक समितिबाट श्रम कानुनको विशेषज्ञसहित सम्बद्ध श्रमिकहरुको प्रतिनिधिहरुको सहभागितामा वार्ता गर्ने निर्णय भएकोले हाल जारी हडताल तत्काल स्थगन गरी वार्तामा सहभागी हुन आह्वान गर्दछौं ।

आयोजनाको निर्माणकार्यमा कुनै किसिमको अवरोध नपु-याई आयोजनाको दैनिक कामकाज पुनः सुचारु गर्न सम्बद्ध सवैको सहयोग अति जरुरी भएको हुनाले स्थानीयबासीद्वारा प्रवेशमार्गको सिंगटीलगायत अन्य क्षेत्रहरुमा भएको सवारी आवागमनमा भएको अवरोध तत्काल स्थगन गर्न तथा आयोजनाको अवरुद्ध मुख्य निर्माणकार्य सुचारु गर्न सम्बद्ध सबैमा अनुरोध गर्दछौं ।

कुनै पनि समस्याको समाधान वार्ता र संवादबाट समाधान हुनसक्ने प्रति कम्पनी सदैव सकारात्मक रहेको व्यहोरा अनुरोध गर्दै समस्या समाधान गर्न सम्बद्ध सबै पक्षबाट सहयोग पु-याइदिन हुन पनि पुनः अनुरोध गर्दछौं ।

मितिः २०७१/१२/०७

अपर तामाकोशी हाइड्रोपावर लिमिटेड
माथिल्लो तामाकोशी जलविद्युत आयोजनाको

अपिल

नेपाल विद्युत प्राधिकरण प्रबर्धक भई माथिल्लो तामाकोशी जलविद्युत आयोजना (४५६ मे.वा.) निर्माण, संचालन र व्यवस्थापन गर्ने उद्देश्यले यो कम्पनी स्थापना भएको कुरा सर्वविदितै छ । आयोजनाको वित्तिय व्यवस्थापन गर्ने क्रममा नेपाल दूरसंचार कम्पनी लि., नागरिक लगानी कोष र राष्ट्रिय बीमा संस्थानसमेत संस्थापक समूहका शेयरधनी भई कर्मचारी सञ्चय कोषसंग समेत ऋण सम्झौता सम्पन्न गरी आयोजनाको वित्तिय व्यवस्थापन गरिएको हो । वित्तिय व्यवस्थापन गर्दा लागतको ७० प्रतिशत ऋणबाट र ३० प्रतिशत शेयर पूँजी परिचालन गरी आयोजना निर्माण सम्पन्न गर्ने लक्ष्यअनुसार ५१ प्रतिशत शेयरपूँजी संस्थापकबाट लगानी भइसकेको र सर्वसाधारण समूहमध्ये हाल १०% शेयर दोलखा जिल्लाका स्थानीय वासिन्दा र २४% शेयर कर्मचारी सञ्चय कोषका सञ्चयकर्ताहरु र कम्पनीका कर्मचारी, शेयरधनी संस्था तथा ऋणदाता संस्थाका कर्मचारीहरुको लागि निष्काशन गरिएको छ । हाल शेयर निष्काशनका वारेमा आयोजनाको सम्पूर्ण निर्माणकार्य लगायत मुख्य प्रवेशमार्ग समेत पूर्ण रुपमा अबरुद्ध भइरहेको प्रति यस कम्पनीको गम्भिर ध्यानाकर्षण भएको छ ।

कम्पनीले आयोजना निर्माणको निमित्त वित्तिय व्यवस्थापन गर्न शेयर संरचना तयार गर्दा धितोपत्र नियमावली र लगानीकर्ता एवं ऋणदाता संस्थाहरुसंग भएको सम्झौतासमेतलाई समेट्ने गरी शेयर संरचना तयार गरिएको हो । यस अनुसार संस्थापक समूहका शेयरधनी (नेपाल विद्युत प्राधिकरण, नेपाल दूरसंचार कम्पनी लि., नागरिक लगानी कोष र राष्ट्रिय बीमा संस्थान), कर्मचारी सञ्चय कोषका सञ्चयकर्ता र सम्बद्ध कर्मचारीहरु तथा दोलखा जिल्लाका वासिन्दा तथा सर्वसाधारणलाई समेत शेयर सुनिश्चित गरिएको छ ।

आयोजनाको प्रवेशमार्ग र निर्माणकार्य अवरुद्ध भइरहेबाट आयोजनाको निर्धारित लक्ष्य र कार्यक्रममा गम्भीर रुपमा प्रतिकूल असर परिरहेको छ । यसबाट आयोजनाको समयतालिका लम्बिने र लागतसमेत बढ्न जाने अवस्था सिर्जना भइरहेको छ । मुलुकुमा विद्यमान ऊर्जा संकटलाई न्यूनीकरण गर्न महत्वपूर्ण योगदान पु-याउने राष्ट्रिय गौरबको यस आयोजनाको शिघ्र निर्माण सम्पन्न गर्न सम्बद्ध पक्ष र आम सरोकारवालाको साथ र सहयोग अति जरुरी रहेको छ ।

तसर्थ, पछिल्लो निर्माण समयतालिका अनुसार आगामी २ वर्ष भित्र निर्माण सम्पन्न गर्ने गरी सुचारु निर्माण भइरहेको यस आयोजनाको निर्माण कार्यमा कुनै किसिमको अवरोध नपु-याई आयोजनाको दैनिक कामकाज सुचारु गर्न सहयोग गरी दिनु हुन सम्बद्ध सवैमा हार्दिक अपिल गर्दछौं ।

कुनै पनि समस्याको समाधान वार्ता र अन्तरक्रियाबाट समाधान गर्न सकिने र त्यसमा कम्पनी सदैव सकारात्मक रहेको व्यहोरा पनि सम्बद्ध सवैमा अनुरोध गर्दै शेयर निष्काशन तथा वितरण सम्बन्धमा वार्ता तथा सम्वादको माध्यमबाट समस्याको समाधान गर्न सकिनेमा कम्पनी विश्वस्त रहेको व्यहोरा सम्बन्धित सवैमा अनुरोध गरिन्छ ।

मिति २०७१।१२।०२

अपर तामाकोशी हाइड्रोपावर लिमिटेड, माथिल्लो तामाकोशी जलविद्युत आयोजनाको विज्ञप्ति
—————————————————————————————-

राष्ट्रिय दैनिक पत्रिका ‘नागरिक’को मिति २०७१/११/१३ गतेको अंकको भित्रीपृष्ठमा “समितिले क्षेत्राधिकार मिच्यो” भन्ने शीर्षकमा माथिल्लो तामाकोशी जलविद्युत आयोजनाका आयोजना प्रमुखको भनाइ उद्धृत गर्दै प्रकाशित समाचारले दोलखा जिल्ला र आम सर्वसाधारणमा भ्रम र अन्यौल सिर्जना गरेको व्यहोरा अनुरोध गर्दै उक्त समाचार नितान्त मनोगत, भ्रामक र कपोलकल्पित रहेको व्यहोरा स्पष्ट पार्न चाहन्छौं ।

आयोजना कार्यालयले प्रभावित गा.वि.स.हरुका स्थानीय बासिन्दाहरुको मागका सम्बन्धमा जिल्ला स्तरीय समन्वय समितिको मिति २०७१/११/११ को निर्णयलाई कार्यान्वयनको लागि नियामक निकाय श्री नेपाल धितोपत्र बोर्ड समक्ष मिति २०७१/११/१३ को पत्रमार्फत अनुरोध गरिसकिएकोले उक्त समाचारमा उल्लिखित भनाइ आयोजना प्रमुखको नरहेको र जिल्ला समन्वय समितिको उपर्युक्त निर्णयको विपक्षमा आयोजना प्रमुख र आयोजना व्यवस्थापन नरहेको समेत सार्वजनिक रुपमा स्पष्ट पार्न चाहन्छौं ।

हालसम्म स्थानीयबासी, जिल्लामा क्रियाशील राजनैतिक दलहरु र जिल्ला समन्वय समितिको साथ, सहयोग र भरोसा प्राप्त भएर नै माथिल्लो तामाकोशी जलविद्युत आयोजना निर्माण प्रगतिको पछिल्लो चरणमा पुग्न सफल भएको कुरा जानकारी गराउँदै आयोजनाको पूर्ण सफलताको लागि आगामी दिनमा पनि स्थानीयबासी र सबै सरोकारपक्षहरुबाट निरन्तर साथ र सहयोग प्राप्त हुने अपेक्षा आयोजना व्यवस्थापनले राखेको व्यहोरा अनुरोध छ ।

विज्ञान प्रसाद श्रेष्ठ
आयोजना प्रमुख
मिति : २०७१/११/१५